بعد السخرية من شعره الأصفر الطويل.. شادي شامل يرد بقوة | الصباح
محافظ الإسكندرية: خط طيران مباشر من مدينة بافوس القبرصية الى الاسكندرية خلال 6 اشهر     elsaba7     رئيس ميناء الإسكندرية:الوزير وجه بالتعاون مع الشركات والتوكيلات لعودة السفن السياحية     elsaba7     شاهد.. هاني شاكر يحتفل بزفاف نجله مع نخبة من الفنانيين     elsaba7     بعد لقاء مايك بنس بأردوغان .. "وقف إطلاق النار على الحدود بين تركيا وسوريا"     elsaba7     مصرع شخص خلال عبوره طريق الدائري المريوطية     elsaba7     قوات الاحتلال تقتل شاب وتستهدف زوارق الصيادين على سواحل القطاع     elsaba7     طقس اليوم.. ارتفاع طفيف فى درجات الحرارة والعظمى بالقاهرة 31 درجة     elsaba7     لأول مرة منذ 10سنوات .ميناء الإسكندرية يستقبل سفينة سياحية قادمة من قبرص     elsaba7     الاسكندرية تستقبل أولي السفن السياحية (صور)     elsaba7     ناشطة حقوقية تكشف دور المرأة المصرية في حرب أكتوبر     elsaba7     بالفيديو.. فيلم وثائقي يكشف الطفرة التي أحدثها تركي آل الشيخ على أرض ألميريا     elsaba7     بقصر الاليزيه.. تفاصيل لقاء ماكرون والبابا تواضروس     elsaba7    

بعد السخرية من شعره الأصفر الطويل.. شادي شامل يرد بقوة

منى عيسوي / 2019-09-16 12:15:11 / فن
شادي شامل

شادي شامل

رد الفنان شادي شامل، على منتقدي شعره الطويل، عبر حسابة الشخصي على إنستجرام، بصورة ظهر فيها عدد من الفنانين الأجانب بنفس الإطلالة التي اعتمدها مؤخرًا.

 

وعلق شادي على الصورة قائلا: "الناس المعقدة والمريضة اللي عماله تشير صورتي، وأنا شعري طويل وعاملين يقلوا في أدبهم، ويستخفوا دمهم وهم بيض أصلا، وأنا أكتر حاجه بكرها في حياتي هي قلة الأدب".

 

وأضاف: "أنا لو بواب العمارة أكبر مني في السن بقولوا حضرتك و بحترمه، والدي علمني كلمة حضرتك دي مهمه إني أقولها مع الناس عشان يكون في احترام وأمي علمتني إن ما سمحش لحد يتطاول عليا وأسكت، المهم لما تيجي تخش علي بروفايل بتاع الناس المريضة دي بتلاقيهم شكلهم غريب، واللي بيئه واللي من تحت بير السلم، أنا مش بتريق لا سمح الله والله، بس الموضوع بقى في سفالة، وقلة أدب و بدون داعي، اللي هيقولي أصل احنا في مجتمع شرقي والكلام البطيخ ده هقولوا انت من أول أكلك ولبسك وشربك كله مستورد، أنا مش باخد العادات والتقاليد الخطأ اللي في البلاد الأجنبية وأسوق ليها ساعتها يبقى ليك الحق تقول عاداتنا الشرقية".

 

وتابع: "بلاش تخش معايا في الحتة دي، عشان هفحمك بالأدب والذوق وبالدليل، يا أخي مشفتش مثلا حد بيتكلم إني بمثل مصر في دول أوروبا وباخد جوائز لما بعزف على العود في كذا دار أوبرا في العالم ومن الصعب إن حد عربي يدخل وسط الأجانب وفي الآخر يقولك أصل شعره أصل دقنه ايه الهيافة والتفاهة دي، ده أنا شغال علي أغنيه بقالي ست شهور وبسافر كذا بلد عشان أجيب عازفين من بره عشان أقدم أغنيه حلوة عشان بحترمكم، على فكرة أنا مش عايز أرضي حد، أنا عايز نحترم بعض نتفق باحترام نختلف باحترام، وبعدين تعالي هنا أنا راجل معظم وقتي عايش بره ممكن أكون غصب عني اتأثرت بطريقة اللبس والاستايل ودي حاجة ما تعبنيش".

 

 

واستطرد: "ممكن تقول رأيك بكل أدب واحترام ...فعلا ما بقاش في تربيه ولا رقي ولا ثقافة للأسف ما تلاقيش الكلام ده غير في مصر، أنا ما بقصدش كل المصريين أنا بقصد قليل الأدب أما المحترم المؤدب أشيلو فوق راسي من فوق لحد ما ضهري يتكسر، يا خسارة بحد يا خسارة، عيب عيب ده أنا ابن بلدكم بزعل والله لما بلاقي تقدير في دول أوروبا و الدول العربية المحترمة وقلة من أولاد بلدي يتطاولوا كده، ليه يا جبناء مش بتتكلموا على ممثلين والمطربين بتوع بره يا معقدين".

صورة


اضف تعليقك

لأعلى