محمد عدلي يحلل في سطور "خيال مآتة" .. ويؤكد: "الفيلم مكنش محتاج خالد مرعي" | الصباح

يمر بأزمات كثيرة ..

محمد عدلي يحلل في سطور "خيال مآتة" .. ويؤكد: "الفيلم مكنش محتاج خالد مرعي"

أحمد حسن / 2019-08-20 13:22:32 / فن
خيال مآتة

خيال مآتة

أزمات كثيرة تعرض لها فيلم "خيال مآتة" للنجم أحمد حلمي، بداية من تأخر عرض الفيلم يوم الوقفة وأول أيام العيد، وبدء العرض رسميا ثاني أيام العيد، وقتها حقق في يومين فقط أكثر من 13 مليون جنيه، لكن العمل واجه أزمة أخري، من خلال هجوم الجمهور علي الفيلم، وعدم الاقتناع به نهائيا مقارنة بأفلام حلمي السابقة، لم تمر ساعات وواجه أزمة جديدة، حيث تم تسريب فيلمه عبر مواقع التواصل الاجتماعي بجودة عالية، وأخيرا أزمة مخرج العمل بعد القبض عليه في مطار القاهرة وبحيازته مخدرات .

الأزمات تزداد والفيلم تنهار إيرادات ويحقق بشكل يومي ما يقرب من مليون جنيه فقط، وحول العمل، يحلل الناقد والكاتب الصحفي محمد عدلي، وقال في سطور : 

 

 

>> الفيلم ليس سيئا كما صوره البعض.. لكنه ليس الأفضل وبه ثغرات 

 

  • الحدوتة جديدة وجميلة بصراحة وفيها ربط زمني جيد جدا عن طريق تأثير أحداث حصلت في الماضي على باقي حياة الأبطال .

 

  • الشخصية الوحيدة اللي مرسومة حلوة اوي هي شخصية الجد "يكن" .

 

  • رغم جمال الحدوتة إلا أن السيناريو مجاوبش على اسئلة كتير ليها علاقة بأحداث وتفاصيل الفيلم ودا خلى فيه عدم منطقية في بعض بعض الاحداث. 

 

  • الاخراج مفيهوش وجهة نظر .. اسوء عيوبه وتقريبا اللي مخلي الناس مش عاجبها الفيلم هو الايقاع البطيء .. يعني ايه ايقاع عمل فني؟ .. بالبلدي كدة هي قدرة صناع العمل على حكاية الحدوتة باكتر طريقة مشوقة تخلي الجمهور مشدود طول مدة العمل.. دا بقى محصلش للاسف.

 

  • فيه حوالي ٢٥ دقيقة في الفيلم ملهمش لزمة .. تاني عيب هو طول المشاهد .. معظم مشاهد الفيلم طويلة اوي وحوارها كبير .

 

  • رغم أن تأثير كتابة المسلسلات على الكاتب عبد الرحيم كمال من تطويل مبالغ فيه واضح جدا، إلا أن الاتنين يعتبروا من عيوب المخرج مش السيناريو .. لأن المخرج له اليد العليا ع السيناريو والممثلين والمونتاج ولو حتى أحداث السيناريو بطيئة والحوار طويل كان يقدر يظبط دا ويعدل.. من رأيي فيلم زي دا مكنش عاوز خالد مرعي وكان ممكن معتز التوني أو أحمد الجندي او خالد الحلفاوي كان هيبقى فيه توازن بين سنس الكوميديا وأسلوب الكتابة. 

 

  • كل حالة جوا في الفيلم ناقصة حتة .. كوميديا غير كاملة .. رومانسية غير كاملة .. تاريخ غيرواضح لكل الشخصيات .. وهكذا. 

 

  • توظيف مقاطع أغاني أم كلثوم داخل الفيلم كان حلو وليه معنى .. ياريتهم سموا الفيلم على اسم اي اغنية ليها.

 

  • فيه بعض الممثلين بيعتمدوا على نفسهم وبس.. كل اللي حواليهم بيخدموا عليهم .. حلمي ومكي وهنيدي معظم الافيهات من باقي الشخصيات بتتفرش عشانهم .. حلمي عمل دا تقريبا في معظم افلامه زي الف مبروك وكدة رضا.. لكن في الافلام دي كان احسن بكتير.

 

  • مساحات باقي الشخصيات صغيرة وبتخدم على شخصيتين حلمي وبالتالي ملهاش لزوم نتكلم عنهم.

 

  • ديكور الفيلم حلو جدا .. المزيكا وحشة جدا وأخدت من رصيد الفيلم. 

 

  • رغم أن الفيلم مش الأفضل وفيه ثغرات لكنه مش بهذا السوء اللي ناس كتير بتقول عليه خصوصا اللي داخلين الفيلم ومكونين رأي سلبي من البداية.


اضف تعليقك

لأعلى