بعد ضبط الداخلية "خطة الأمل".. تعليق عنيف من أسامة كمال للإخوان | الصباح

بعد ضبط الداخلية "خطة الأمل".. تعليق عنيف من أسامة كمال للإخوان

إستنفار أمني لوزارة الداخلية

إستنفار أمني لوزارة الداخلية

أشاد الإعلامي أسامة كمال، بوزارة الداخلية بعد الضربة الأمنية لعناصر جماعة الإخوان وما يعرف اعلاميا بخطة الأمل.

وقال كمال، في برنامجه "مساء DMC"، "DMC"، اليوم الثلاثاء، إنه :"النهارده الداخلية أعلنت تفاصيل خطة الأمل الإخوانية اللى هي مخطط استهداف لمؤسسات الدولة ذ لإسقاطها تزامنا مع ذكرى ثورة 30 يونيو".

واضاف الإعلامي :"الخبر واخد عنوان رئيسى فى مواقع أخبار عالمية و CNNمثلاً ناقلة بيان الداخلية اللى قال الأمن الوطني رصد مخطط عدائي لقيادات الإخوان فى الخارج، بالتنسيق مع موالين مش إخوان باسم خطة الأمل لتوحيد صفوفهم وتوفير دعم مالي من أرباح كيانات اقتصادية بتديرها قيادات الجماعة".

وأكمل كمال، :"السؤال هو، هل كان لازم نطبق نظرية العنف الإردوغانية مع أتباع فتح الله جولن مثلا؟ هل مش كفاية ان كل الناس قاعدة فى آمان ولا مطاردات إلا للى يمارس الإرهاب؟ هل كان لازم ناخد الناس بالشبهة زى الإردو غان عشان الناس دى تتلم؟"، متابعا :"هو أحنا مش هنخلص من المخططات الإرهابية والتحريضية مع كل 30 يونيو؟ هل العالم كله اللى فضل يقاوح فى رفض 30 يونيو ثم أتاكد بدل المرة 100 ان دى رغبة الشعب".

واستنكر الإعلامي قائلا :"هو العالم ده مش كفاية عشان الناس دى تفهم أنها واخدة الجانب الغلط؟ مفيش حد فى مصر رافض وجود معارض، حقك، عارض حتى لو كنت بتعارض مصالح بلدك، اختيارك، بس مخططات وإثارة؟ بزيادة بقى، كل الناس فى الدنيا بتعارض، بس بيعارضوا بالرأى مش بالمؤامرات، فى العلن ومش تحت بير السلم".


اضف تعليقك

لأعلى