"قطايف الصباح ١٣".. تحليلات رمضانية | الصباح
القومي للطفولة يطلق لعبة سيفيلنجز لتنمية مهارات الطفل في مرحلة الطفولة المبكرة     elsaba7     نص كلمة الرئيس السيسي خلال القمة غير الرسمية للاستثمار في أفريقيا     elsaba7     "الحبس في النفقة والخلع فقط في حالة الضعف الجنسي".. أبرز مقترحات تعديلات قانون الأحوال الشخصية     elsaba7     مصطفى زمزم: نستهدف توقيع الكشف على 100 ألف طالب ضمن مبادرة "ولادنا في عنينا"     elsaba7     الفريق محمد فريد يعود من الإمارات عقب مشاركته فى فعاليات معرض دبى الدولى للطيران 2019     elsaba7     نيابة أول طنطا تستدعى جارة شادى الأمير للتحقيق فى واقعة «طفلى السلم»     elsaba7     هاني الناظر: 90% من المصريين يعالجون بأدوية مصرية     elsaba7     لليوم الثالث .. حملات مرورية لضبط المركبات المخالفة بالغربية     elsaba7     ننشر أقوال شادى الأمير وزوجته فى واقعة «طفلى السلم» أمام نيابة طنطا     elsaba7     انتحار شخص شنقا لمروره بأزمة نفسية بالغربية     elsaba7     السيسى ووزيرة دفاع ألمانيا يتفقان علي الاستمرار في تطوير التعاون العسكرى     elsaba7     السيسى بقمة العشرين: جذب الاستثمارات أمر لا غنى عنه لتنمية أفريقيا     elsaba7    

"قطايف الصباح ١٣".. تحليلات رمضانية

محرر الصباح / 2019-05-29 12:48:52 / فن
عبدالعزيز أحمد (قطايف رمضان)

عبدالعزيز أحمد (قطايف رمضان)

طيب قبل الحلقات الاخيرة في مسلسلات رمضان وقبل أي استفتاء هعمل مسابقة وليها جوايز لكل فئة من الفئات دي.

أفضل ممثل
مصطفى شعبان "أبو جبل"
ياسر جلال "لمس أكتاف"
أحمد السقا "ولد الغلابة"
محمد رجب "لعامة استفهام"
أمير كرارة "كلبش 3"
هاني سلامة "قمر هادي"
محمد ممدوح "قابيل"
محمد رمضان "زلزال"
قصي خولي "خمسة ونص"
محمد فراج "قابيل"
حمادة هلال "أبن أصول"
هشام سليم "كلبش 3"
فتحي عبد الوهاب "لمس أكتاف"
عمرو سعد "بركة"

أفضل ممثلة
ياسمين عبد العزيز "لآخر نفس"
ياسمين صبري "حكايتي"
نادين نجيم "خمسة ونص"
مي عمر "ولد الغلابة"
حورية فرغلي "مملكة الغجر"
دينا الشربيني "زي الشمس"
حنان مطاوع "لمس أكتاف"
ريهام عبد الغفور "زي الشمس"

أفضل ممثل 2
أحمد العوضي "كلبش 3"
محمود حجازي "زلزال"
عمر الشناوي "كلبش 3"
محمد عز "لمس أكتاف"
أحمد السعدني "زي الشمس"
على الطيب "قابيل"
ماجد المصري "زلزال"
عمر السعيد "زي الشمس"
محمد دياب "أبو جبل"
محمد على رزق "كلبش 3"
نور محمد "لآخر نفس"
أحمد نجار "أبو جبل"
اسماعيل شرف "لآخر نفس"
أحمد سليم "لآخر نفس"
أشرف مصليحي "كلبش 3"
تامر فرج "قمر هادي"

أفضل ممثلة 2
هاجر الشرنوبي "لمس أكتاف"
غفران محمد "أبو جبل"
روزالين البيه "قابيل"
هنادي مهنا "زلزال"

أفضل ممثل كوميدي
أحمد فهمي "الواد سيد الشحات"
كريم محمود عبد العزيز "شقة فيصل"
على ربيع "فكرة بمليون جنية"
محمد أمام "هوجان"
مصطفي خاطر "طلقة حظ"
حسن الرداد "الزوجة 18"

أفضل ممثلة كوميدية
دنيا سمير غانم "بدال الحدوتة 3"
أيمي سمير غانم "سوبر ميرو"
هنا الزاهد "الواد سيد الشحات"
مى عز الدين "البرنسيسة بيسة"
أيتن عامر "شقة فيصل"

أفضل ممثل كوميدي 2
محمد عبد الرحمن "الواد سيد الشحات"
عمرو وهبة "بدال الحدوتة 3"
كريم عفيفي "فكرة بمليون جنية"
أحمد فتحي "شقة فيصل"
كريم محمود عبد العزيز "هوجان"
محمد ثروت "سوبر ميرو"

أفضل مخرج
بيتر ميمي "كلبش 3"
رؤوف عبد العزيز "قمر هادي"
محمد سامي "ولد الغلابة"
أحمد الجندي "الواد سيد الشحات"
إبراهيم فخر "زلزال"
أحمد صالح "أبو جبل"
حسين المنباوي "لمس أكتاف"
خالد الحلفاوي "بدال الحدوتة 3"

أفضل كاتب سيناريو
هاني سرحان "لمس أكتاف"
أمين جمال (ورشة) "لآخر نفس"
محمد سيد بشير "أبوجبل"
اسلام حافظ "علامة استفهام، قمر هادي"
محمد عبد المعطي "حكايتي"
عبد الرحيم كمال "زلزال"
أيمن وتار "بدال الحدوتة 3"
إبراهيم خطاب ، كريم يوسف "الواد سيد الشحات"
كريم يوسف ، أشرف نصر ، محمد صقر "قابيل"
محمد المحمدي، أحمد محي "سوبر ميرو"
دينا نجم ، محمد هشام عبية ، مريم نعوم "زي الشمس"
أيمن سلامة "ولد الغلابة"
باهر دويدار "كلبش 3"
محمد الشواف "بركة"

المجاملة حلوة، حلوة مافيش كلام، بس في الفن المجاملة تهد ماتبنيش .

ملخص قصص حب رمضان السنة دي:
دينا الشربيني رجعت تحب احمد السعدني اللي هو أساساً خانها مع اختها ريهام عبد الغفور، في الوقت اللي أحمد داود بيحبها فيه ، قوم ايه حنان مطاوع تقول لفتحي عبد الوهاب راسي ناشفة أكسرهالي بس ماتسبنيش كل ده، البنات تثور وتقول ايه الستات المهزئة دي والبرنسيسة بيسة أتجوزت كظكظ ، ورجالة تقول اهي دي الستات ولا بلاش وخناقة كبيرة أوي على الباد بوي والجود بوي .

- لمس أكتاف: اللي بتعمله حنان مطاوع في كل مشهد ليها وهي عايدة الحناوي يتدرس في كتب التمثيل بدون مبالغة.

-لمس أكتاف: فتحي عبد الوهاب بيمثل من منطقة ومستوى تاني خالص بعيد عن كل اللي بيمثلوا حواليه.

-كلبش ٣: مشهد موت عمر الشناوي في المسلسل مؤلم في حلقة بتشوفها علي الشاشة، ما بالكم بالظباط اللي بتموت كده بجد في الحقيقة، ربنا يرحم كل اللي بيفدونا بأرواحهم.

-كلبش ٣: بمناسبة عمر الشناوي شكراً بيتر ميمي علي مشهد دفنه في المسلسل على زغرايط هالة فاخر.

-كلبش ٣: دور هيدي كرم كمذيعة جعجاعة ومتحمسة بغباء وبتتزق عجبني ومكتوب كويس.

-بدال الحدوتة ٣: أغنية دنيا سمير غانم "هنشغل بالنا بمين" أحلي ما في الحدوتة التانية.

-بدال الحدوتة ٣: لو دنيا سمير غانم معملتش حاجة في في رمضان السنة دي غير إنها أديت فرصة لعمرو وهبة في بطولة الحواديت التلاتة أنا راضي.

-بدال الحدوتة ٣: هشام ماجد ممثل تقيل وكوميديان كبير وادى للحلقات طعم مختلف الصراحة.

-ولد الغلابة: مشهد ندم مي عمر علي قتل عبد القادر مع أحمد السقا، أفضل مشاهدها السنة دي.

-ولد الغلابة: أبرز ما في الكام حلقة اللي فاتوا مي عمر أعترفت لأحمد السقا بحبها ياجماعة.

-الواد سيد الشحات: اللي يضحك بجد في حلقة هيفاء وهبي، أن هنا الزاهد ماكنتش بتمثل أنها غيرانة على أحمد فهمي من هيفاء وهبي ، دي شكلها كانت غيرانة بجد.

-الواد سيد الشحات: مو صلع من أفضل الكاركترات اللي عاملها أحمد فهمي في المسلسل.

-الواد سيد الشحات: مشهد محمد محمود وهو بيحضن أحمد فهمي عشان لابس روب هيفاء وهبي يموت من الضحك الحقيقة.

-الواد سيد الشحات: لو نكرت أن محمد عبد الرحمن جتله فرصة قدام الجون إنفراد ورقص ترقيصه حلوة وجاب جون عالمي تبقى لا بتفهم في الفن ولا الكورة.

-لآخر نفس: لما يكون الورق حلو بيحلى الممثل واللي بيقوله معروفة يعني.

-لآخر نفس: ياسمين ما زالت محافظة علي أداءها من أول رمضان أرحموا البنية شوية.

-فكرة بمليون جنية: على ربيع مشروع يونس شلبي جديد.

-فكرة بمليون جنية: المخرج وائل أحسان حاطط كم فوتومونتاج للشوارع والنيل والعربيات عاملين يجي ٥ حلقات لوحدهم.. يادي المط وسنينه.

-فكرة بمليون جنية: الأغرب من أن على ربيع عمال يكرر نفسه في كل حلقة، أن مايان السيد بتضحك أكتر منه.


اضف تعليقك

لأعلى