"قطايف الصباح 8" .. تحليلات رمضانية | الصباح
الجامعة الأمريكيّة في رأس الخيمة توقّع اتّفاقيّة مع المجلس الثقافي البريطاني لاعتماد الجامعة كمركز امتحانات     elsaba7     مؤسسة التمويل الأفريقية تستثمر في أوّل مشروع مستقلّ لإنتاج الطاقة والطاقة المتجددة في جيبوتي     elsaba7     هيئة تنمية المجتمع في دبي تمنح مركز هاي هوبس لعلاج الأطفال رخصة العمل بصفة منشأة غير ربحية     elsaba7     صناع الحياة تطلق نظام تأمين صحي بمشروع رزق حلال يستفيد منه 1060 شخص     elsaba7     "المصريين": السيسي يسعى بكل ما أوتي من قوة للقضاء على الإرهاب     elsaba7     بالفيديو.. "شعب مالوش كتالوج".. شاهد رد فعل الناس عن "الزوجة الثانية"     elsaba7     "ماحدش سابوا في حاله".. قصة معاناة لحالة "سمنة مفرطة" (فيديو)     elsaba7     "المخدرات" .. كلمة السر فى مقتل طفلة بطلقة نارية بالسنطة     elsaba7     السيسى يلتقي رؤساء أجهزة مخابرات لبحث مكافحة الإرهاب والفكر المتطرف     elsaba7     محافظ المنوفية ووزير التنمية المحلية يشهدان بدء التشغيل التجريبى لمصنع تدوير القمامة     elsaba7     مياه الصرف الصحى تغرق مدرسة " ميت عساس الأبتدائية" بسمنود     elsaba7     قصي خولي يكشف تفاصيل زواجه السري     elsaba7    

"قطايف الصباح 8" .. تحليلات رمضانية

محرر الصباح / 2019-05-15 12:46:34 / فن
عبدالعزيز أحمد (قطايف رمضان)

عبدالعزيز أحمد (قطايف رمضان)

- سؤال لمخرجين مسلسلات السنة دي: هو ليه أخر مشهد في حلقة أمبارح بتبتدوا بيه حلقة النهاردة خير يعني، ولا دي طريقة مط جديدة.

- حكايتي: ياجماعة حد يفهم ياسمين صبري الفويس اوفر ده عشان يوصل إحساس رسالة معينة لحد معين مش زيطة هي .

 

- حكايتي: ياسمين صبري واقفة قدام البحر بتكلمها أمها فويس أوڤر ، قوم أمها ترد عليها فويس أوڤر برضه، ياجدعان حد يقفل ماسورة الفويس أوڤر اللي ضربت في المسلسل ده.

 

- حكايتي: ياسمين صبري بعد ما اتخطفت واتسرقت ومسحت وكنست، محتاجين نعرف لسه فيه حاجة تاني ولا كده خلاص، عشان نتأثر بيها ومتأثرناش.

 

- حكايتي: الأغرب من الفرنساوي بتاع وفاء عامر، أن المشاهد يتقبل أنها فاشون ديزاينر من الأساس.

 

 

- كلبش ٣: علي فكرة أبن أميرة العايدي في المسلسل هو أبنها في الحقيقة من وائل نور.

 

- كلبش٣: بعد قفله أشرف مصيلحي النهاردة طلع هشام سليم مشغل نص البلد معاه، والنص التاني مع أحمد عبد العزيز وأمير كرارة.

 

- ولد الغلابة: مشهد اللي كريم عفيفي بيقتل اخته فيه، من أجمل المشاهد اللي الجزء الصامت وتعبيرات الممثلين أعلى من أي حوار مكتوب .

 

- ولد الغلابة: أنجي المقدم هالة من النور بتخترق القلوب السنة دي.

 

- ولد الغلابة: أنا بقيت موجوع لك والله ياسقا وعايش اوعاج عيسى الغانم ، بس مش لازم النضارة سولتيب والموبايل سولتيب مش ناقص غير تلبس جلبية ملزقها بسولتيب مش كده ياجدع.

 

- كل بيت بلاويه ورا بابه، فياريت الناس تسيب بلاوي غيرها وتركز في بلاويها احمد السقا ولد الغلابة.

 

- بدال الحدوتة 3: من زمان ما شوفتش محمود البزاوي في دور صعيدي وضحكني من أيام "همام في إمسترادم".

 

- بدال الحدوتة 3: محمد سلام واحد من أذكى الكوميدنات اللي في مصر.

 

- بدال الحدوتة 3: الأغنية الصعيدي اللي غنيتها دنيا سمير غانم حلوة.

 

- الواد سيد الشحات: الحقيقة سكتش السجل المدني للجن، ده أفضل سكتش كوميدي أتعمل في رمضان السنة دي إلى الآن.

 

- هو لما بتحب واحدة في الآخر بيحصل أيه؟ بتجوزها، ولما تتجوزها يبقى ايه؟ أبقى لبستها أحمد فهمي "الواد سيد الشحات".

 

- فكرة بلميون جنية: أعتقد أن على ربيع لازم يعرف أن الأسلوب اللي بيقدمه مش يقدمه خطوة لقدام بعد كده.

 

- الزوجة 18: حد يعرف مسلسل الزوجة 18 راح فين ياجدعان.

فاصل إعلاني

- أوبريت وحملة هي دي مصر، كلمات مدحت العدل، ولحن عمرو مصطفي، وتوزيع حميد الشاعري، وصوت مصطفي قمر، هشام عباس، يسرا، مدحت صالح، بوسي، أسم على مسمى الحقيقة.

رجعنا لكم تاني

 

- زي الشمس: مستحيل تشوف الطفل ياسين أمير وتمثيله وروحه وماتحبوش بغض النظر عن أنه أبن غنوة أخت أنغام .

 

- زي الشمس: سؤال وكيل النيابة لأحمد السعدني "أنت بتكرهه طليقتك يادكتور" ده مش سؤال من وكيل نيابة سعادتك، ما تقوله ريح على الشيزلونج وهديله النور أحسن.

 

- ممكلة الغجر: سؤال للمخرج صباحية حورية فرغلى على حازم سمير، أيه اللي جاب جورنال في أوضة النوم عشان يعرفوا أنهم مطلوبين والبوليس بيدور عليهم. 

 

- مملكة الغجر: نداء إلى لجنة الدراما حورية فرغلى بتقول لحازم سمير "العصير ده عشان العصب" ، وحازم سمير رد عليها وقالها "لأ بقولك أيه أنا العصب زي الفل نزليني الملعب وأنا أوريكي" ياناس يا لجنة الدراما.

 

-  زلزال: أبرز ما في حلقة النهاردة محفظة محمد رمضان اللي ضاعت.

 

-  زلزال: ايفيه "أبنك أقوى من المخدرات" اللي قاله محمد رمضان لسلوى عثمان، مش تسينعاتي خالص ده يامافيا.

 

-  زلزال: دور حلا شيحا في المسلسل، حبيبي يااما، واقفة قدام محمد رمضان وهو بياكل فول، بتحلم بمحمد رمضان نفسه، وشوية حاجات فوق بعضها.

 

-  زلزال: مصطفى منصور ممثل هايل ومتنوع وله مستقبل كبير.

 

-  حدوته مره: مش قولت لكوا أول رمضان غادة عبد الرازق لو أتعرضت على قناة سبيس تون هتتشاف.

 

-  قمر هادي: لو في بطل للمسلسل ده غير هاني سلامة، يبقى المخرج رؤوف عبد العزيز.

 

-  قمر هادي: صوت الشاب اللي بيصلى بالناس في حلقة النهاردة عظيم. 

 

-  قمر هادي: أفضل سنوات يسرا اللوزي الدرامية.

 

- قمر هادي: بمناسبة يسرا اللوزي هي بتقول لهاني سلامة "قطعت لك الخوخ زي ما أنت بتحبه" ده اللي هو أزاي ولمواخذة.

 

- لمس أكتاف: عندما يكون جمال مضمون الفكرة أهم من أي أحداث ومن الأبطال نفسهم كمان.

 

- لمس أكتاف: أقسم بالله شوفوا أقسم بالله الواحد بيستنى مشاهد حنان مطاوع عشان يمتع عينه وقلبه تمثيل.

 

- ثقتنا في نفسنا خلتنا نحس بأننا ديناصورات، أنما لما بنيجي تحت رجلين الرجالة بنقلب نمل محمد عز "لمس أكتاف".

 

- أبوجبل: أعتقد أتاكد للجميع أن أحمد خالد صالح أبن أبوه مش بس في البطاقة لأ قدام الشاشة كمان.

 

- لآخرنفس: القصة عماله تحلى يوم بعد يوم والورق الحلو بيبان من أوله.

 

- لآخر نفس: الممثلة "هاجر الشرنوبي" حاجة حلوة وجديدة من ريحة عائلة الشرنوبي.


اضف تعليقك

لأعلى