"قطايف الصباح ٤".. تحليلات رمضانية | الصباح
عايز أفرحها ... "فوتوسيشن" رومانسى بين طالب ووالدته بالغربية (صور )     elsaba7     لأول مرة بالوثائق .. أسرار لا تعرفها عن نعمان بن عثمان.. جاسوس قطر في ليبيا وعدو الجيش الوطني     elsaba7     خبير اقتصادي: مبادرة الدولة لدعم المنتج المحلي وتوفير السلع تساهم في تحفيز الاستهلاك ودعم الصناعة الوطنية     elsaba7     مركز البحوث الزراعية يشارك بـ 8 خلال فعاليات معرض "أجرى بيزنس" للشراكات مع القطاع الخاص     elsaba7     وزارة الداخلية تعلن البدء فى قبول طلبات التقدم لحج القرعة لهذا العام     elsaba7     وصلة رقص فى حفل عيد الأم لمستقبل وطن بالمحلة .. و"العريبى" ينفى أنسحابه     elsaba7     الهيئة العربية للتصنيع والأكاديمية الوطنية للعلوم البيلاروسية توقعان إتفاقية للتعاون المشترك     elsaba7     الوفد يطالب بتطوير المحميات الطبيعية.. ويؤكد: ثروة حقيقية تنفرد بها مصر     elsaba7     محمد وائل صلاح المرشح بنقابة المحامين :حصانة المحامى تخدم العدالة     elsaba7     الجيش السوري يدمر عدة مقاتلات تركية خلال محاولتها التقدم باتجاه قرية النيرب     elsaba7     محمد وائل صلاح المرشح بنقابة المحامين :حصانة المحامى تخدم العدالة     elsaba7     انطلاق مبادرة صحة المرأة بالغربية     elsaba7    

"قطايف الصباح ٤".. تحليلات رمضانية

محرر الصباح / 2019-05-10 17:47:04 / فن
قطايف الصباح

قطايف الصباح

-في اليوم اللي كان فيه حد بيراقب محمد رمضان وبنت ماجد المصري، وهما بيتقابلوا في الغيط، كان فيه حد بيراقب محمد ممدوح وفاطمة ناصر وهما بيتقابلوا في كافية.

-الأفضل من أحمد فتحي شقة فيصل هو وأحمد فتحي في الواد سيد الشغال.

-من كريم عفيفي ولد الغلابة وكريم عفيفي فكرة بمليون جنية، أكيد كريم في ولد الغلابة.

-من كريم محمود عبد العزيز شقة فيصل، وكريم محمود عبد العزيز "هوجان" الأتنين حلوين .

-أما محمد ممدوح ولد الغلابة ومحمد ممدوح قابيل، في الأتنين عفاريت تمثيل وركبوا محمد ممدوح، والعاقل اللي يتفرج ويستمتع بالأتنين.

-لكن بصراحة صلاح عبد الله شقة فيصل وصلاح عبد الله هوجان الأتنين ملهمش لازمة ومش عارف ماله الحقيقة.

-كلبش ٣: للمرة الأولى أشوف أداء ممثل بيعمل دور عيل صايع وشبح في نفسه من كرموز، بكل تفاصيله وحركاته بالحلاوة دي عن "أحمد العوضي" أتحدث.

-الطبيعي هو اللي بيموت من غير ما يسيب اي علامة في الدنيا ، أما اللي مش طبيعي واللي زيي بيكتب التاريخ هشام سليم "كلبش ٣".

-لمس أكتاف: صدق اللي قال اللي يعيش ياما يشوف ، واللي يتفرج على حنان مطاوع في "لمس أكتاف" يشوف تمثيل وحلاوة وجمال أكتر .

-لمس أكتاف: مشهد فتح الكوتشينة بين فتحي الوهاب وشريف دسوقي ، شوط حلو بين أتنين عتاولة تمثيل، في ماتش نهائي.

-ولد الغلابة: صدق اللي قال "المشهد اللي يوجعك يلمسك، والأغنية اللي تلمسك تألمك" صوت بهاء سلطان وأغنية صفحة النسيان.

-ولد الغلابة: أنجي المقدم، ثم أنجى المقدم، ثم أنجي المقدم، ثم يأتي الآخرون.

-ولد الغلابة: بمناسبة أنجي المقدم، مشهد محمد ممدوح معاها النهاردة حلو حلاوة تقشعر البدن والروح.

-زلزال: الأغرب من أن حلا شيحا تطلب مهرها من محمد رمضان في الحلم رمان، أن محمد رمضان يفرط الرمان في كفها بالسهولة دي، ماكنش حد غلب. 

-زلزال: هو بنت ماجد المصري اللي بتحب محمد رمضان بتاخد القلم وتقع ع الأرض، وتنام شوية وبعدين تستني ماجد المصري يصحيها ويضربها قلم تاني ليه؟ ها .

-الوقت بيستنى الحبايب محمد رمضان "زلزال".

-مملكة الغجر: سامح الصريطي في مشهد بيكلم واحد خليجي فيديو كول ، بس تقريباً الخليجي مش واخد باله وبيكلمه مكالمة العادية في الناحية التانية. بس برضه متظلمهوش ياجماعة.

-مملكة الغجر: يعني جايبين هاكر في ٢٠١٩، وبيفك شفرة ومافيا عالمية وخيول بملايين، ومقعد الهاكر علي كمبيوتر بسلك في المشهد، يهده الـ Low Budget

-شقة فيصل: دمك خفيف وكل حاجة حلوة تقومي قايله ايفيه زي ده "اه أختها من بعيد من ناحية دمياط ساعتين بالميكروباص كده" مش قولنا ميت مره نبطل قلش رخيص يا أيتن ياعامر .

-شقة فيصل: كريم محمود عبد العزيز كل يوم كل مشهد بيمثله بيثبت أن أبن الساحر "حاوي تمثيل".

-قابيل: اللي متفاجئ أن محمد ممدوح في شخصية الظابط هو قابيل القاتل السفاح، يبقى نسى شابوهات يوسف الشريف وتويستاته.

-قابيل: بمناسبة محمد ممدوح اللي لسه متضايق وشايف أن صوته مش مفهوم وعامله صداع ياحرام، أحب أقوله ياريت يبقى عندنا في رمضان ٣ بيمثلوا زيه بنفس مشاكل الصوت وبعدين يتكلم.

-هوجان: رغم أن محمد أمام واخد من أداء الزعيم كتير في شعبان شايل سيفه، بس حلو ودمه خفيف الصراحة.

 

 

-سوبر ميرو: حلقة كاملة، ٢ ايفيه لحمدي الميرغني، ٣ ايفيهات لأيمي سمير غانم، ٥ ايفيهات لسمير غانم والحلقة برضه مش بضحك خير إن شالله حد يطمنا.

 

-بدال الحدوتة ٣: مشهد دنيا سمير غانم مع دلال عبد العزيز والعريس اللي بيتقدم لها في السجن مكتوب كويس وجديد.

 

-بدال الحدوتة ٣: كلاكيت تاني مره مشاهد عمرو وهبة مع شيماء ودنيا سمير غانم أكتر مشاهد بتضحك في المسلسل.

 

-هو الأهبل بيزفوه ليه؟ عشان أهبل، واللي بيتجوز بيزفوه ليه؟ عشان أهبل برضه، دنيا سمير غانم "بدال الحدوتة ٣".


اضف تعليقك

لأعلى