بسبب والده .. أكرم محمود البزاوي يهاجم صناع "كازابلانكا " بعد طرح الأفيش | الصباح

بسبب والده .. أكرم محمود البزاوي يهاجم صناع "كازابلانكا " بعد طرح الأفيش

أحمد حسن / 2019-04-08 12:58:57 / فن
كازابلانكا

كازابلانكا

تداول عدد كبير من رواد مواقع التواصل الاجتماعي البوستر الدعائي لفيلم " كازابلانكا" بطولة النجم أمير كرارة، والمقرر طرحه بالسينمات في موسم عيد الفطر المبارك، ويأتي ذلك بعدما نشر المخرج بيتر ميمي بوستر الفيلم عبر صفحته بموقع التواصل الاجتماعي "انستجرام" .

البوستر الذي حمل تعليقا "العركة لو ابتدت، هتزعل" يبدو أنه أثار عضب أكرم ابن النجم محمود البزاوي، والذي قام بنشر بوستر العمل، ومتعجبا من عدم وجود والده علي الأفيش .

وقال أكرم عبر صفحته علي موقع التواصل الاجتماعي "فيس بوك" : " مبدأيا أبويا ماعندوش اي فكره عن البوست ده"، وتابع " أنا أبويا طيب و يمكن طيبته دي هي اللي كانت سبب في تأخير نجاحه و أنه كتب من الباطن كتير مثلا زي ما قولت قبل كده و كان دايما بيعمل حاجات و تنجح و مفيش حد يعرف أنه لي دور في نجاح العمل ده بس اللي كان بيصبره ان ربنا هيعوض .. و بعد ما قدر يوصل بدراعه للي هو فيه لسه في ناس مش مقتنعه بي .. بس ده حقهم لأن مفيش حد عليه اجماع بس طالما مش مقتنع بحد يبقى ماتحرجوش و أبعد عنه أحسن لأنه في نظرك مش الشخص اللي يفيد .. في رأي الشخصي ناس كتير بتعرف تتصور بس مش الكل بيعرف يمثل .. و اسف لو كنت منحاز اوي في كلامي لابويا بس زي ما قولت ده أبويا اللي نجاحه بيسعدني اكتر ما بيسعدني نجاحي".

أكرم ومحمود البزاوي

وأضاف : " ملحوظة : ابويا قالي انه عامل دور مهم في الفيلم ده .. و يمكن بيكدب عليا و طالع كومبارس .. ساعتها هاتأسف على البوست " .

فيلم "كازابلانكا" بطولة أمير كرارة، عمرو عبدالجليل، غادة عادل، إياد نصار، أحمد داش، والممثل التركي خالد أرغنش الشهير بـ"السلطان سليمان"، من تأليف هشام هلال، إخراج بيتر ميمي، وإنتاج وليد منصور . 

كازابلانكا


اضف تعليقك

لأعلى