بالفيديو.. أسامة كمال ساخرًا.. "عيد الحب مش حرام وفككوا من النكديين" | الصباح

بالفيديو.. أسامة كمال ساخرًا.. "عيد الحب مش حرام وفككوا من النكديين"

الاعلامي أسامة كمال

الاعلامي أسامة كمال

قال الإعلامى أسامة كمال، إن عيد الحب ليس حرامًا، مضيفا أن هناك مقولة لعلي بن أبي طالب رضي الله عنه، إنَّ الله يقذف الحب في قلوبنا، فلا تسأل مُحب لماذا أحببت، قول له الحُب رزقٌ من الله، استنادًا لقول رسول الله (صل الله عليه وسلم)، "إنّي رُزقت حُبّها"، في إشارة للسيدة عائشة رضي الله عنها".

 

وأضاف كمال في برنامجه مساء DMC، أن "الروشتة بتقول إبعد عن الناس النكدية وما أكثرهم ابعد عن الناس اللي بتطلع لك في التليفزيون ينكدوا عيشتك ويخرجوا بعد ما يخلصوا يتبسطوا ويضحكوا ابعد عن صاحبك ع القهوة النكدي، وابعدي عن صاحبتك اللي بيسموها drama queen ومقضياها نكد.. حافظوا على قلوبكم وصحة قلوبكم".

وتابع كمال" :عيد الحب مش ان البلد يبقى لونها احمر، لكن تبقى البلد لونها وريحتها وطعمها حب وتسامح وقبول لبعضنا، نشوف الدنيا حلوة يوم واحد أو ليلة واحدة ولما نشوفها كدة نمسك لساننا اللي بيتكلم وايدنا اللي بتكتب عن نشر كل ما هو سلبي ومحبط".

واوضح كمال" :على فكرة كل واحد فينا عنده احباطاته ومش ناقص تديله احباطات في الأمور العامة والخاصة، على الأقل يوم واحد.. مش معقولة لما واحد يتفاءل الناس تبص له على انه عبيط، أو لو واحد ابتسم، يبقى محشش، أو لو واحد ضحك نهزقه، أو لو حد قال نكتة، نقول له احنا في ايه وللا ايه".

وطالب كمال المصريين بعدم الاحباط قائلًا: "التكشيرة والتبويزة مش هتخفض سعر كيلو الكهربا ولا متر المياه ولا كيلو اللحمة ولا سندوتش الفول.. التبويزة هتضيع لك طعم الساندوتش لما تجيبه".

 


اضف تعليقك

لأعلى