شريط الصباح
تابعنا على جوجل بلس تابعنا على تويتير تابعنا على اليوتيوب تابعنا على الفيس بوك
الثلاثاء 29 رجب 1438 هـ - 25 ابريل 2017م
آخر الأخبار
 


حوادث
قتل النجار بسبب خلاف على 500 جنيه
قتل النجار بسبب خلاف على 500 جنيه
آية الجيار
17 ابريل 2017 04:51 م

>>صالح: زوّد على الأجر اللى اتفقنا عليه.. وخلصت الناس من طمعه

«خلاص الواحد زهق من جشع النجارين، وتحكمهم فينا، يعنى إيه اتفق معاه على مبلغ معين وبعدين يزود عليّا 500 جنيه، ويقولى إن الأسعار هى السبب، وفى الآخر يشتمنى وعايز يمد إيده عليّا، قتلته عشان طماع وما يستحقش يعيش يومًا واحدًا، وعشان أريح الناس من شره».

اعترف «صالح.ع» أمين مخازن، أمام المستشار أحمد لبيب رئيس نيابة مدينة نصر فى واقعة اتهامه بقتل «محمد.ح»، نجار، بعدما نشبت بينهما مشاجرة لطلب النجار 500 جنيه باقى حسابه، ورفض شقيق العريس الذى استل سكينًا وطعن به النجار، فلفظ على إثرها أنفاسه الأخيرة.

وقال المتهم فى اعترافاته: «أخويا عريس وكان بيجهز شقته وطلب منى أنى أشوفله نجار يكون كويس عشان يعمله أبواب وشبابيك عمولة لشقته، وبالفعل بدأت أدور على نجار، وبعد سؤال أحد معارفى دلنى على النجار وشكر لى فيه وفى شغله ومواعيده، ورحت له عشان اتفق معاه على تشطيب شغل النجارة بشقة أخويا العريس، فاتفقنا على السعر، لكن يوم تسليم الشغل فوجئت به مزود 500 جنيه على الحساب اللى كنا متفقين عليه».

وأضاف: «استغربت جدًا وقلت له: «أحنا مكناش متفقين على السعر ده وكده فى زياده 500 جنيه على اللى اتفقنا عليه»، فقالى «سعر الخشب بيزيد كل يومين ومضطر أزود»، وتطور الحوار فرد بقلة أدب وقال لى «أنت جاى تتكلم معايا، الخشب سعره زاد، مين بقى اللى هايدفع الزيادة دى، هو أنا هاصرف على الزباين كمان، فقلت له «أتكلم معايا بالراحة شوية، أنت متعصب على ليه، راح بدأ يشتم فيا بأفظع الشتائم وحاول يمد إيده علىّ، روحت مطلع مطوة كانت فى جيبى وضربته بها فى صدره عشان هو تاجر جشع وطماع ولازم أخلص الناس من شره وطمعه».

البداية كانت مع تلقى رجال مباحث قسم شرطة مدينة نصر أول، إشارة من مستشفى التأمين الصحى تفيد باستقبالها «محمد.ح. م» 30 سنة، نجار، توفى إثر إصابته بجرح نافذ فى الصدر من الناحية اليسرى.

ومن خلال التحريات تبين حدوث مشادة كلامية بين المجنى عليه و«صالح. ع. ع» 39 سنة، أمين مخازن بمحلات العبودى للملابس، بسبب خلاف على قيمة شراء أبواب وشبابيك، وتطورت لمشاجرة تعدى خلالها الأخير على المجنى عليه بسلاح أبيض «سكين» كان بحوزته، وعلى الفور تم إعداد الأكمنة لضبط المتهم، وبمواجهته اعترف أمام اللواء محمد منصور مدير مباحث القاهرة، بارتكاب الواقعة، وأرشد عن السلاح الأبيض المستخدم فى الواقعة، تم تحرير محضر بالواقعة وإحالة المتهم للنيابة التى أصدرت قرارها بحبسه 4 أيام على ذمة التحقيقات.

طباعة

تعليقات على الفيسبوك
مشاركات الزوار
بروتوكول النشر فى جريدة الصباح
1- الالتزام بعدم الانحياز إلى الدعوات العنصرية أو المتعصبة أو المنطوية على امتهان الأديان أو الدعوة إلى كراهيتها، أو الطعن فى إيمان الآخرين، أو تلك الداعية إلى التمييز أو الاحتقار لأى من طوائف المجتمع.